AQSh Polshada 6 minglik qo‘shimcha qo‘shin joylashtirishni rejalashtirmoqda 

AQSh Polshada 6 minglik qo‘shimcha qo‘shin joylashtirishni rejalashtirmoqda 


AQSh Polshada 6 minglik qo‘shimcha qo‘shin joylashtirishni rejalashtirmoqda. Bu haqda Polsha radiosi “Pospolit nutqi” nashriga iqtibos keltirgan holda xabar berdi.

Nashr ma'lumotlariga ko‘ra, AQShning Polshadagi kuchlarini kuchaytirish haqidagi kelishuv AQSh prezidenti Donald Trampning Ikkinchi jahon urushi boshlanishining 80 yilligi munosabati bilan Polshaga ehtimoliy tashrifi vaqtida e'lon qilinishi mumkin. Ushbu sana munosabati bilan o‘tkaziladigan tadbir 1 sentyabrga belgilangan.

Ma'lum qilinishicha, Pentagonda Polshadagi kuchlarni mustahkamlash borasida aniq qarash bor. AQSh Polshada “Fort Tramp” kabi ma'lum bo‘lgan “superbaza”ni tashkil etish o‘rniga o‘z qo‘shinlarini butun mamlakat bo‘ylab joylashtirishni rejalashtirmoqda.

AQSh, shuningdek, Rossiya chegarasi yaqinidagi Ojish shahrida joylashgan NATO batalonini boshqarish vazifasini zimmasiga olishi mumkin.

Shuningdek, rejalarda AQShning global raketalarga qarshi mudofaasining Yevropa segmenti tizimlarini qo‘riqlash uchun kuchlarni Polsha shimolidagi Redzikovo shahrida joylashtirish bor.

Agar bu rejalar amalga oshsa, Polsha AQSh qo‘shini kattaligi bo‘yicha Yevropada Germaniya, Italiya va Britaniyadan keyingi o‘rinni egallaydi.

Ayni vaqtda Polshada AQShning 4 mingga yaqin harbiydan iborat tank brigadasi joylashgan.

2018 yilda Polsha prezidenti Anjyey Duda AQShdan Polshada doimiy harbiy bazani joylashtirish va uni Donald Tramp sharafiga “Fort Tramp” deb atashni iltimos qilgan. Dudaning aytishicha, bunday baza tashkil etilishi masalasi hal bo‘lgan va masalaning faqat texnik jihatlari qolgan.

loading...

Copyright © 2019. Barcha huquqlar himoyalangan.