Mudofaa vazirligi askarlari harbiy qasamyod qabul qildi

Mudofaa vazirligi askarlari harbiy qasamyod qabul qildi


Bugun, 14 aprel kuni Chirchiq poligonida Mudofaa vazirligi qo‘shinlariga joriy yilda muddatli harbiy xizmatga chaqirilgan oddiy askarlarni harbiy qasamyodga keltirish marosimi bo‘lib o‘tdi, deb xabar berdi Mudofaa vazirligi matbuot xizmati.

Foto: Mudofaa vazirligi matbuot xizmati
Foto: Mudofaa vazirligi matbuot xizmati

Tantanali marosimda O‘zbekiston mudofaa vazirining o‘rinbosari general-mayor Azizbek Ikramov, mas'ul ofitserlar, davlat va jamoat tashkilotlari vakillari, Qurolli Kuchlar faxriylari, askarlarning ota-onalari ishtirok etdi. Shuningdek, yoshlarni harbiy vatanparvarlik ruhida tarbiyalash, harbiy xizmatga bo‘lgan qiziqishlarini oshirish maqsadida Chirchiq shahridan ikki ming nafarga yaqin yoshlar qatnashdi.

Foto: Mudofaa vazirligi matbuot xizmati

Harbiy qasamyodga keltirish marosimidan so‘ng, Chirchiq oliy tank qo‘mondonlik-muhandislik bilim yurtining kursantlari tomonidan tayyorlangan qurol bilan saf elementlari va qo‘l jangi ko‘rgazmali chiqishlari, Mudofaa vazirligi Markaziy harbiy orkestri jamoasi, Qurolli Kuchlar Markaziy ashula va raqs ansambli xonandalari tomonidan tayyorlangan kuy-qo‘shiqlar mehmonlar e'tiboriga havola etildi.

Amir Temur tavalludining 683 yilligi munosabati bilan bilim yurti askarlari tomonidan tayyorlangan tarixiy sahna ko‘rinishi namoyish etildi.

Foto: Mudofaa vazirligi matbuot xizmati

Shuningdek, poytaxtimizdagi “Vatanga qasamyod” monumenti oldida Toshkent garnizonidagi harbiy qismlarning muddatli harbiy xizmatchilari ham harbiy qasamyod qabul qildilar.

Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati

Tadbirlar davomida muddatli harbiy xizmatchilarga O‘zbekiston Prezidentining sovg‘asi — Amir Temurning “Temur tuzuklari” va “O‘zbekiston tarixi” kitoblari tantanali tarzda topshirildi.

Foto: Mudofaa vazirligi matbuot xizmati
loading...

Copyright © 2019. Barcha huquqlar himoyalangan.