Бухоролик ҳайдовчи 1 миллиард сўмдан ортиқ жаримага тортилди, аммо жарима суммаси бекор қилинди

Бухоролик ҳайдовчи 1 миллиард сўмдан ортиқ жаримага тортилди, аммо жарима суммаси бекор қилинди


Бухоро вилояти Бухоро шаҳрида истиқомат қилувчи фуқаро қоидабузарлиги учун Йўл ҳаракати хавфсизлиги бошқармаси инспектори томонидан 1 миллиард 13 миллион сўм жаримага тортилди.

Гап шундаки, инспектор ҳайдовчи МЖтКнинг 128-моддаси 1-қисмида назарда тутилган ҳуқуқбузарликни қилгани туфайли, унга ЭКИҲ иккидан бир қисми (101 365 сўм) жарима тортган. Аммо техник хато туфайли ҳужжат расмийлаштирилаётган вақт жарима суммаси билан қоришиб, яхлит миқдорга айланиб қолган. Яъни 101 365 сўмдан сўнг 2019 йил санаси биргаликда 1 миллиард 13 миллион сўмдан ортиқ жарима суммасини келтириб чиққан. Автоматик тизим рақамга монанд жаримани сўз билан келтириб берган.


Бухоро вилояти ИИБ матбуот хизматининг Kun.uzʼга маълум қилишича, техник хато ўз вақтида бартараф этилган, қоидабузар ҳайдовчи эса қонунларда белгилангандек жарима миқдори тўлаши таъминланган.

Маълумот учун, Ўзбекистонда қонун билан белгиланган хилоф ишни амалга оширгани учун ЭКИҲ 600 бараваргача жарима солиш мумкин.

loading...

Copyright © 2019. Барча ҳуқуқлар ҳимояланган.