Qarshidagi “Vatanparvarlar bog‘i” Janubiy Koreya tajribasi asosida bunyod etilmoqda

Qarshidagi “Vatanparvarlar bog‘i” Janubiy Koreya tajribasi asosida bunyod etilmoqda


Qarshi shahrida joylashgan “Vatanparvarlar bog‘i”da Janubi-g‘arbiy maxsus harbiy okrugi, Qashqadaryo viloyati hokimligi, Ichki ishlar va Favqulodda vaziyatlar vazirliklari, viloyat Yoshlar ittifoqi hamda Ma'naviyat va ma'rifat markazi mas'ul xodimlari ishtirokida matbuot anjumani o‘tkazildi.

Foto: Mudofaa vazirligi matbuot xizmati

Mudofaa vazirligi matbuot xizmati xabariga ko‘ra, unda mingdan ortiq o‘quvchi-yoshlar, viloyat faollari va mahalliy aholi vakillari ham qatnashib, bog‘ hududida kelgusida bajarilishi ko‘zda tutilgan keng ko‘lamli ishlar haqida batafsil ma'lumot berildi.

“Bog‘dagi muzeyni boyitish uchun maxsus ishchi guruhi tuzilgan bo‘lib, ular Janubiy Koreyaning yetakchi va boy tajribaga ega bo‘lgan muzeylaridan tajriba olib keldi. Eng so‘nggi innovatsion texnologiyalar asosida bog‘ va muzey zamonaviy ko‘rinish kasb etadi. Kelgusida Amir Temur g‘ori maketini ham yasash niyatimiz bor. Bu borada ham ishga kirishilgan. Shuningdek, Amir Temur va Boyazid o‘rtasida bo‘lib o‘tgan «Loy jangi» sahnasi ham bog‘da aks ettiriladi”, — deydi Qashqadaryo viloyat hokimi Zafar Ro‘ziyev.

Foto: Mudofaa vazirligi matbuot xizmati

Prezident topshirig‘iga ko‘ra, respublikaning barcha viloyatlarida bu kabi bog‘lar bunyod etilishi rejalashtirilgan, bunda aynan Qarshi shahridagi «Vatanparvarlar bog‘i» namuna bo‘lib xizmat qiladi.

Foto: Mudofaa vazirligi matbuot xizmati

Qariyb 7 gektar hududni egallagan «Vatanparvarlar bog‘i»da 2018—2019 yillarda 29,3 milliard so‘mlik rekonstruksiya ishlarini amalga oshirish mo‘ljallangan.

Hozirda Mudofaa vazirligi tomonidan taqdim etilgan, turli yillarda xizmat qilgan 24 ta harbiy texnika maketi bog‘ hududi ko‘rkiga ko‘rk qo‘shib turibdi.

Foto: Mudofaa vazirligi matbuot xizmati

“Vatanparvarlar bog‘i”ning faoliyatini samarali yo‘lga qo‘yish bo‘yicha amalga oshiriladigan ishlarning “Yo‘l xaritasi”ga muvofiq joriy yilning mart oyiga qadar bog‘ hududiga bepul “Wi-Fi” o‘rnatilishi hamda kutubxonalar bunyod etilishi rejalashtirilgan.

Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati

loading...

Copyright © 2019. Barcha huquqlar himoyalangan.