Dunyoning eng keksa futbolchisi 52 yoshida ham faoliyatini davom ettiradi

Dunyoning eng keksa futbolchisi 52 yoshida ham faoliyatini davom ettiradi


Yaponiyalik futbolchi, ayni vaqtda 51 yoshda bo‘lgan Kazuyoshi Miura «Yokogama» bilan shartnomasini uzaytirdi.

The Japan Times xabariga ko‘ra, u Yaponiyaning ikkinchi divizioni jamoasida yana bir yil davomida to‘p tepadi.

Shu tariqa, dunyoning eng keksa futbolchisi bo‘lib turgan Miura faoliyatidagi o‘ttiz uchinchi mavsumni o‘tkazadi. 26 fevral kuni u 52 yoshini qarshilaydi.

Ma'lumot uchun, 1967 yilda tug‘ilgan yaponiyalik futbolchi o‘z faoliyatini 1986 yilda, Braziliyaning «Santos» klubida boshlagan.

Miura «Yokogama» safida 2005 yildan buyon o‘ynamoqda. O‘tgan mavsumda u jami 9ta o‘yinda umumiy hisobda 56 daqiqa harakat qildi.

U Yaponiya terma jamoasi safida 89ta o‘yin o‘tkazib, 55 gol urgan.

loading...

Copyright © 2019. Barcha huquqlar himoyalangan.